Umbrella Revolution

9.28 －我想香港年青人一定會記住這一天。

87 - 我想很多人也記得這個數字，中了摧淚彈的人，或那一幕幕令人悲憤的畫面。

由運動開始至今，剛好一個星期。

這星期我由淡漠，關心，憤怒，傷心，心痛，感觸良多。

這裡還是香港嗎？

書面語真係冇辦法將我心入面個句好好咁表達出來，都係用返廣東話。

呢幾年我剩係聽到政府叫港人包容包容，你地班政棍睇唔到香港人水深火熱，就係睇到我地歧視新移民，唔包容自由行。一直俾人踩上心口，我地硬食，自從回歸後我地都冇過過好日子，日日都冇正常生活，而家調轉槍頭話人影響大眾。

唔好意思，雨傘運動呢幾日我個人感受就係唔使再俾啲拖喼自由蝗一野車埋隻腳，唔使再俾人批踭；有條路俾我行下，感受到比較清新嘅空氣，睇到一班團結可愛為香港努力嘅人⋯⋯

由民心所向，令到共狗大為慌張，而故意搵人搞事。係人係鬼大家有眼見。咩叫暴民？手無寸鐵拎住遮，帶住保鮮紙就係？！咁個班帶住藍絲帶聯群結黨打人非禮班黑社會又係咩？係班無良知冇腦嘅公安心目中就梗係合作嘅良好市民，幫得手嘅同伴啦！

親身去過現場你就知班為爭取民主嘅人民係幾咁有公民質素。你地一直講啲咩垃圾分類，大家守望相助，口渴有水飲，肚餓有野食，太陽曬有野遮，有退熱貼，落雨有遮同雨褸⋯⋯

我好認同朋友講，我地爭取嘅會諗過失敗，諗過成功，但唔應該話中央唔會理就只係諗放棄。唔好話今日唔知聽日事，你唔知將來係點，因為回歸未到五十年已經變成咁，你有眼見中國係點，香港未來只會更差。