一切歸零: 2015

2015年12月26日星期六

吉澳。東平洲

聖誕跟本地團去離島一日遊。其實係想去東平洲，不過佢一日就兩度，先去吉澳再去東平洲。

其實我都唔知吉澳係邊，聽介紹話沙頭角對面。由馬料水出發都要坐一個鐘頭零十五分鐘。吉澳好細，無乜人，應該得我地團同埋知有遊客開檔嘅店主。我地行咗陣睇棵樹同食飯就走。

姻緣樹

出發東平洲，由吉澳去要坐多成粒鐘。好彩隻船算定，唔係坐咁耐船怕頂唔順。由於時間嘅關係，我地得兩個鐘係東平洲行，而景點都係得一個，就係睇更樓石，話說舊石因為似以前打更嘅鐘樓而命名。領隊話如果要深度行晒東平洲，要預返六個鐘左右。沿海岸線玩。由於太懶同埋同少去郊遊嘅朋友同行，都係跟團好啲。

雖然電話係收中國移動，但好地地加中國落去做乜，好憎＝＝

呢個先係真名

更樓石

出發仲落緊微雨，又凍，玩到下晝就出太陽，同埋熱，雖然景就睇到唔多，但呢片沉積岩都夠影下相同hea。

2015年12月10日星期四

網絡廿三條

因為漫畫，最近睇返電影真人版。

由於最近要將版權條例恢復二讀，再看這套戲覺得很有感觸。

可能cap圖都犯法，痴線

2015年11月24日星期二

仙人掌扭蛋

係日本行秋葉原個陣，係扭蛋機見到呢個。估唔到扭蛋都有真嘅植物。我個人係好鬼鍾意呢啲迷你盆栽，所以即刻扭返個，200yen。

其實仙人掌我就見得多，真係未見過係由種子開始長大嘅仙人掌。話說之前我係OK換嘅醜比頭，得幸運草叫種到，其他都無反應。希望今次仙人掌會種到啦。

Day 1

2015年11月19日星期四

秋季旅行－獨遊東京 Last Day

最後一日嘅行程就係機場最後shopping。

最後一日先黎陽光普照，唔開心。天氣好同天氣差嘅旅行感受完全唔同。唔想走呀！想留耐啲。不過我相信好好快又會再去日本。其實應該儲下錢去歐洲。

戰利品，都唔算買好多啫

2015年11月18日星期三

秋季旅行－獨遊東京 Day 6

最後一日full day行程，就梗係去食同shopping啦。

係日本咁多日都未食過壽司，晨咁早去築地排隊真係有心冇力，去返市區算多人推薦啲壽司店食返set就算。呢問美登利係涉谷，十一點開門，早少少黎拎咗飛先門口有排櫈可以坐住等。

可以揀坐bar枱或者table

前菜，茶碗蒸加蟹肉蟹膏

最豐富個set，2800yen＋稅

我唔太識分好食同超好食，剩係識分難食，普通同好食，哈哈。對我黎講呢set好食，但食晒真係好飽，真係有飽到嘔嘅感覺。中間插曲係，我見到一枱香港人，兩女一男，每人都係叫呢set，但兩個女差唔多食剩一半。佢地起身埋單個陣，師傅望到枱面，見佢個樣係好唔開心。咁明知細食就單點或者叫set細。我覺得咁樣真係好失禮。

食完個Brunch，就搭私鐵落吉祥寺。由於太飽，所以係井之頭公園就落車，再行過去吉寺祥。呢個區係年青人最理想居住第一位。鐘意藝術文化悠閒行街嘅話，吉祥寺真係唔錯。