最後一個重點行程：江之島＆鎌倉
個天算係咁，話今日多雲有雨，都係幾個鐘晴天我。去新宿小田急旅遊中心買Free pass，新宿出發大約個零鐘到藤澤，之後再轉江之島到江之島及鎌倉。
 |
| 途中看到富士山，興奮莫名 |
首站先到鎌倉高校前朝聖。唔睇漫畫嘅人呢個位應該歸類為無聊景點，我唔係slam dunk狂熱份子，不過套漫畫係我心目中神作之一。
坐多一個站，可以行下海邊睇下富士山，好天嘅話應該唔錯。
 |
| 出名睇富士山嘅海岸公園 |
吹完海風食完沙上返江之鐵去長谷駅睇鎌倉大佛。唔知係唔係修學旅行定普通學校旅行，勁多學生來參觀。好青春呀。
大佛呢個寺唔大，慢慢遊完一圈就繼續出發到鎌倉。行下街買下手信，寄埋postcard，鎌倉行程差不多。其實應該仲有八幡宮係有名景點，不過天氣差，還是多留點時間行江之島。
聽人講江之島係一個浪漫小島，情侶拍拖聖地。但宅女獨遊都唔係好慘情，比較失望係天氣因為上網睇呢度可以欣賞夕陽，真係烏雲密布就睇到。
 |
| 呢度睇夕陽 |
 |
| 買咗魷魚餅，熱辣辣同幾香 |
江之島行程結束，慢慢坐車返新宿。我未食過一蘭，見好近，走去排下隊。原本話要等四十至六十分鐘，最後都唔洗半個鐘就入到去食。我點咗普通加隻半熟蛋。碗麵好似好細，不過飲埋湯都夠飽。比較上黎個人覺得無敵家好食啲，份量又足，如果要排，都係去返無敵家。
 |
| 自閉位，啱晒一條友 |
 |
| 普通款，湯底唔錯 |
 |
| 宵夜，南瓜哈根大師都唔錯 |
沒有留言:
發佈留言