獨木舟

夏天梗係要玩水！

之前都諗住報康文署啲暑期活動，不過水上活動都係晨咁早，仲要大老遠入去赤柱或者西貢，對我有啲難度。細個仲會有神心去，但返工放假瞓到自然醒係一件非常緊要嘅事。所以我都係算吧啦。

咁同事話一齊去玩，又下晝先開始，咁就一齊去玩下。咁我之前就冇玩過，好擔心會反艇，但話說呢個唔使學過又好難反，所以係唔需要擔心太多。

咁冇玩過都要聽下點樣划。其實租艇嘅都冇點講，上到隻船都識點郁。我地啲初哥就係坐綠色膠船，真係幾穩唔怕反。咁兩個考咗三星嘅同事就玩橙色好流線型嘅木船。見佢地好似好輕鬆咁就郁得好快，不過就難平衡啲，大家都反過艇。雖然我地都撐到對面個島仔，不過潮退其實成程啲水都好淺，我唔夠米六都唔到心口，所以真係唔使怕。

天氣唔錯，我地由兩點零開始玩，唔算話好曬同好熱，海中心有海風整體幾舒服，同埋算抵玩，幾個鐘先百五蚊。想慳啲就自己準備多啲，鞋啦，自己帶埋個鎖鎖返啲行李都可以慳返幾十蚊。

夜晚直落去咗西貢同事屋企BBQ。好青春！