不過其實我冇定死要去邊度做啲乜，出發前諗過會係邊度落腳同一兩個好想去嘅景點，其他就係瞓前時候或者朝早起身再望下。
小岩井農場就係我嚟盛岡想去嘅地方。去呢度係JR盛岡站有巴士搭，班次唔密最好先睇下時刻表，車程太約30分鐘，車費好似係700yen。
農場入場費800yen。其實農場唔算太大，同埋主打親子活動，餵下羊餵下馬咁。天氣好好，周圍行自拍下其實都可以玩幾個鐘。
我啱啱過咗櫻花季，仲有少少凋謝嘅櫻花睇下，相信櫻花盛放實超靚。
 |
| 岩井山，佢話又叫做東北富士山 |
 |
| 牛奶雪糕，奶味濃，好食 |
 |
| MILK館，賣手信口竹尸心山地方 |
 |
| 個蛋好滑好食，不過咖哩辣啲會仲正 |
我好傻，本身都諗住去盛岡手工藝術村。其實佢同去小岩井農場係同一條路，我應該去咗呢度先再去農場。我就變咗搭車出返盛岡市中心又再搭多次車入去。呢個手工藝術村其實係啲職人做工藝嘅地方，佢地會有workshop可以參加。我去到已經四點，好多都閂門，所以想去應該要早啲。
 |
| 自製盛岡特產－煎餅，100yen塊 |
 |
| 新鮮是軟中帶脆，同埋煎餅係度買會平好多 |
 |
| 一路有櫻花雨 |
夜晚返去食個晚飯又一天完結。
 |
| 盛岡冷麵，似韓國水冷麵，都幾好食 |
沒有留言:
發佈留言