秋季旅行 － 獨遊東京 Day 1

而家平機票成日有，所以只要有假期，想去個短Trip其實唔難。

三月嘅時候去咗東京，本來諗住今次短旅行就去台灣，順便見下之前working holiday嘅朋友。之但係，見到平機票，飛東京同飛台北差唔多，當然去到當地洗費就有差。不過日圓又匯價又唔錯，所以最後又係去東京。

平機票時間就唔太靚，晚機去早機返，頭尾冇咗兩日，不過我仲有大假，所以都玩到足五日。住宿方面，因為個人比較難入睡又易被嘈醒，所以決定住單人房，酒店我就住唔起，本身諗住住南千住，因為比較平，平均4000yen到一晚，但後來搵多咗決定住Airbnb，最後訂咗一間好似近新宿嗰邊，六晚就大約千六到，算幾抵。

一個人搭飛機都唔係第一次，但自己獨遊今次算正式。去程班機唔太full，好彩仲俾咗個Exit row我坐，好闊落。

去到成田機場大約七點，我今次間屋住係一個叫中野新橋啲地方，要係新宿再搭兩個地鐵站，所以都㨂搭NE'X，來回盛惠4000yen。到埗就用之前淘寶嘅docomo卡同host聯絡。過程好順利，不過東京好凍，著咗大冷外套都頂唔到。

呢間日本屋有三層，我就住係地下最近門口嘅房，方便係方便，不過啲人出出入入，木房門隔音就唔太好，但整體唔錯啦，房間圖片同現實相符。

成日除咗早餐同機上買咗包M＆M都未食過野，屋行兩分鐘有間7仔買野。日本便利店啲野好好食呀，真係可以日日食，哈哈。買咗呢堆仲有抽獎，中咗枝Red Bull，不過唔啱飲，可惜。