秋季旅行 － 獨遊東京 Day 3

今次東京之旅有三個重點行程，今日係其中之一。

貓頭鷹！我來啦！

之前我上網做資料搜集，一直都打算去秋葉原嗰間貓頭鷹cafe，可以早三日book位。不過由於我行程唔定，而嗰間好似唔俾同大貓頭鷹親密直觸，所以轉去另一間。

呢間係月島嘅貓頭鷹cafe，星期一二休息，當日排隊登記預約。星期日開十二點，一個鐘頭前開放登記，咁我早啲去食個早餐，之後再排隊。我未夠十一點已經去到，但已經有一堆人，果然可愛嘅貓頭鷹係非常吸引人。輪到我嘅時候，最早一批十二點已經full咗，所以我揀咗三點，交低2000yen同埋講名就完成登記。

等嘅三個零鐘去咗秋葉。可能我唔識路或者啲野唔啱睇，好似冇咩好行，夾公仔都好少款，扭咗個仙人掌扭蛋就走人。

終於有啲太陽

玩咗300yen敗走

仲早，再等多九個字先到我，門口好唔顯眼，好易走過龍。

完全聽唔明的解說中XD

超細隻，好可愛

我最鍾意呢隻，好想帶佢返屋企

一邊係大貓頭鷹區，一邊係細，唔可以拎細過去，好似話會被攻擊

好英

唯一一隻白色

細隻仔大合照，嗚，一個鐘咁就過，下次都會再去搵貓頭鷹！

月島好出名文字燒，一場來到，除咗搵貓頭鷹，都試下地道野。本身其實對文字燒唔太感興趣，望過啲圖覺得係太濕一pat野咁，鍾意大阪燒多啲。不過未試過點都要試下，可能有驚喜。差唔多成條街都係食文字燒，唔識揀就揀間多啲人排隊嘅，應該唔錯掛。哈哈。

我叫咗明太子芝士文字燒

唔識整店員會幫你

比想像中好食，覺得煎燶少少好食啲，不過一個食太飽啦

check point －東京鐵塔

作為MUJI fan，梗係要去全東京最大嘅有樂町分店朝聖。雖然平過香港啲，不過啲衫褲鞋襪仲係好貴，都係睇下算。 個Muji家好正，好想住係木做嘅屋。