秋季旅行 － 獨遊東京 Day 2

出發之前一直睇天氣報告，一直見到天氣都好差，好唔開心。所以出發前plan嘅行程都大改，不過主要想去嘅地方都會堅持。

出門嗰陣feel到唔對路，鼻水長流。而且一直落微雨，所以都係喺返市中心行下街食下野算。之前唔記得係機場買subway pass，所以出返新宿Big Camera買，2-day Pass 1200yen，可以任搭Metro，計過只要一日搭多過四程，就已經可以抵返。

作病頂唔順，去藥局買感冒藥，食松屋當早餐醫好肚就正式行程。

第一站去原宿竹下通行。有啲人，不過可能落雨，唔算人山人海。講真我都冇咩心機行，去兜個圈咁。

 呢間野之前見到人堆介，我都去就冇咩人排隊，佢其實係條長條型泡芙，不失不過咁。因為食咗松屋太飽，所以原宿竹下通我剩係食咗呢舊野。如果我後生十年，可以對原宿系都會欣當，但人老啲野都係望下算，走人。

下站係明治神宮外苑，呢度最出站係個條銀杏大道，見網站話係No1，可惜葉未變色，天氣又差，冇野睇。今日到唔知幾時係銀杏祭，我諗如果變黃同埋好天，應該會好熱鬧。

行咗一輪都消化咗，就準備去東京站食綠茶野同埋搵Suica企鵝 shop買紀念品。仲未食到中村滕吉，食住呢間先。應該都係出名嘅綠茶食肆，已經一堆人排隊。大約等咗八九個字終於輪到我。

點了綠茶麵及甜品set，1500yen到

呢間野係JR東京站入面，為咗佢我特登入閘。隻企鵝真係好得意，好想買晒啲野返去，之前香港忍唔住買咗佢把遮，今次揀來揀去，就買咗個鎖匙扣同埋schudule。

最上層對毛毛拖鞋好得意，嗚，好想要

原本一開始係最後一日先浸溫泉消除疲勞，不過落雨又凍，又作感冒，就決定今晚就浸。出發台場大江戶溫泉物語。一場來到，我呢啲儲check point嘅人就諗住去埋睇小自由神像，高達。因為搭幾個站，就買百合海鷗一日劵，咁又820yen。

天氣凍果然好多人黎浸溫泉，話說大江戶溫泉物語係東京都內唯一嘅天然溫泉。我諗日本講真嘅應係係真嘅。夜晚7點後入場有500yen折扣。入面有唔同嘅大浴池同兩個細嘅露天溫泉，浸溫泉真係好正，想日日都浸！I love溫泉！

入場前除鞋，拎浴衣，浸完先俾錢

露天足浴

出面凍，啲溫泉水唔係太熱

夜晚幾好feel，不過一丁友就唔咁浪漫啦

題外話，話說我都唔係特登𥄫，但大家赤裸裸有時好難避免。日本妹身材真好，好羨慕呀，唉，果然係水土問題。哈哈，來生想出生係日本。